其實我個人唔喜歡依家99%既cosplay，地球幾十億人類，靚仔靚女實際上冇幾多個，要求佢哋好似動漫人物咁正就太為難人

不過我真正唔喜歡cosplay既係，既然冇咁多姿色，咁起碼還原番角色黎賣下情懷，但現實係充滿冇謂地濃厚既妝，總之就係蘭花手唔理角色性格，擅自加布料減少性感程度（我覺得現實中還原唔到，就乾脆放棄呢個角色）

我雖然唔喜歡依家既Cosplay，但你哋基本上唔會見到我指名道姓話邊個cos得好差，我唔喜歡係我自己既事，好多先天條件做唔到就係做唔到，你罵一百句都係做唔到，冇必要為難人哋

再講，米哈遊既玩家有咩資格講角色？米哈遊河蟹角色時唔見你做咩，米哈遊玩爛角色時唔見你哋嬲，見人哋cosplay得一個人就覺得好蝦啦？

Left 4 Dead 2 2025/11/16 mutation randomLeft 4 Dead 2 Random 2025-11-9

呢期又係話SONY發現獨佔唔掂，V社又話出主機，不得不感概整個遊戲業界已經完全唔知自己做緊咩

前幾年PS5大炒特炒結果逼到日本仔玩PC，我就已經講過，家用主機一直以黎既定位係平靚正，點解主機平，因為主機硬件比同期PC一般要弱好多，點解主機靚，因為主機系統係完全為遊戲度身訂造，正因為咁某啲模擬器同盜版非常難做

然而今時今日家用主機採取既係所謂佔據大廳策略，遊戲機更多係一個多媒體平台，愈來愈多人留意主機既硬件勁唔勁，電腦上又搞咩ACE同DRM加密黎防盜版，可以話近年既家用主機戰略，活生生將平靚正所有優點都抹殺，然後無謂地追求「搾乾主機性能」既畫面表現，製作費高到癲，遊戲想賣得平又難（工口遊戲既套路），玩家想搵個平既平台玩又難，賣得少又要賺錢又難，想賣得多又要顧及某啲國家玩家既感受，進一步收窄創作空間

當中某啲觀點其實係有問題，但唔影響結論算係啱既

比如佢舉例巴西工程易爛尾，但中國都係多爛尾，而且唔止國內爛尾多，甚至去到日本既爛尾樓都係中國資本

好多人睇少中國既創新能力，事實上就連中國網民都覺得國內既學術界爛出汁冇辦法創新，但中國用其他方法滿足對創新技術既貪婪，結果依然掌握左好多high end技術擺脫低技術工廠既印象

如果講崩潰既基本係人既不滿，咁中國的確好難崩潰，實際上中國人既不滿絕對唔少，高工時低人工，女權以至兩性問題，但團結對外既「底層代碼」導致中國人唔止好忍，仲特別識自欺欺人，兩者相輔相成

「中國要崩」講了30年 【為什麼中國還沒崩？】中國崩潰論的歷史

第一個令我討厭呢類既作品係俺妹，然後係RE0，我玩工口遊戲起碼所有女主角都有機會，然而呢啲作品只係「睇起黎有機會」，實際上係要多數女主角挑戰冇機會贏既比賽，好容易感覺到作者既三心兩意，所以我玩工口遊戲基本上唔睇攻略，認定左一個就唔會搖擺，大不了開二周目

好多人以為自己喜歡唔同既幾位女主角，但明知大部分最終都唔能夠得償所願，仲係作者故意安排既，我實在係冇辦法投入世界觀話我喜歡佢哋，簡直就好似有位妻子一日到黑話被老公家暴好慘，但佢始終唔嘗試離開，拒絕自救，咁我點解要同情佢？

呢種失敗主義既推銷我真係唔buy

仲記得當時無論係FB定PLURK，一大堆人恭喜日本有女首相，我就覺得奇怪了，一個首相好定唔好，應該係佢實踐承諾既能力，唔係咩冇用既標籤比如「歷史上第一個女性首相」，當年侵侵當選總統我都冇恭喜

所以你睇，當你指住白左拍戲只係睇標籤夠唔夠多，黑人LGBTQ猶太人等等，實際上就係4隻手指指自己，聽到女性首相就高潮了

健吾：「日本既外國人問題係個別媒體既炒作，唔係真既」【動画あり】北海道江別市のイスラムタウン、日本人が近づくと「日本人は帰れ！」「イスラム教じゃないからお前...

一直以來，我都覺得Gundam Seed Freedom只係編劇死後唔知點寫，於是唔預你帶腦睇既狂熱派對，畢竟佢唔似Seed本身有比較多對戰爭既反省

直到最近我睇左某個B站Up做Reaction，當睇到尾段強人對脈衝個一段，佢話「呢度咪即係レコア對エマ一樣」

然後我至醒起，Seed本身係相當於對0079既現代重製，咁Seed Destiny加Freedom其實就係Z既現代重製

關於Destiny其實無需多講，反叛既真對反叛既嘉美尤，真既父母被捲入奧布既戰爭而憎恨奧布，嘉美尤既母親被泰坦斯害死憎恨泰坦斯，開場係前作反派，半路殺出前作主角，喜歡上敵方既強化士兵，駕駛巨大MS戰死，亦難怪咁多人認為係基拉搶左真既地位

其實魂系一直都有少少小眾，正如賣左二千幾萬份既法環係用戶評價最兩極既魂系咁，就算係依家，魂系都唔係非常大眾

遊戲一直都有唔同招數增加玩家既遊戲時間，比如JRPG常見既圖鑑收集同異常難打既隱藏BOSS，又有某些遊戲會開放二周目，但基本流程不變，只有敵人數值變強，又比如好似Borderlands系列咁打BOSS洗裝備，而近年包裝得比較成功既係Rougelike

【难度正在摧毁游戏？【GameBro游戏杂谈】】难度正在摧毁游戏？【GameBro游戏杂谈】_哔哩哔哩bilibili_黑神话悟空_游戏杂谈

任天堂去美國申請左一種非常有針對性既技術專利，同我諗既一樣，留言既人基本上都唔知咩事，一邊人話老任要做專利蟑螂，另一邊話老任只係做保護性專利

然而實際上兩邊都錯，任天堂確實唔係咩專利蟑螂，出於日本既遊戲業歷史，日本遊戲公司好多都被專利蟑螂欺負過，所以日本既遊戲公司會積極申請專利黎保護遊戲業

睇到問題未？日本遊戲業受過呢種苦，但今次申請既係美國專利，美國既遊戲公司冇呢個問題，任天堂既做法明顯係唔對路