今日有個阿嫂好論盡，夾炸料的時候整跌一件。佢執上嚟話番俾檔販知，檔販望咗一眼問食客是否要洗乾淨炸俾佢。佢一口拒絕，當然檔販也無可奈何，然後喃喃自語地話：「以後這樣整跌要自己俾錢....」

2009年開始玩噗浪嘅時候，認識到唔少網友，早上會講下早晨，放工會講下拜拜。到大家有兒有女，仲會講下兒女經。玩咗兩年幾之後，漸漸就冇再發文，朋友都已經冇再寫嘢。實在有少少懷念昔日想寫乜就寫乜嘅日子。朋友們，你哋依家做緊咩啊？

日日啲工作重複又重複，時時刻刻勞氣，心情大起又大落。No more "Me" time!!! 我就嚟藕出蟲喇！

某日同大王對話，佢話內向嘅人一般比較專注，佢就係一個例子。我答佢：“我夠內向啦，又唔見我可以專注做事？”。佢一口就反駁我話：“你鍾意四圍去，（譬如我喜歡去逛商場，戶外影下相）梗係唔算啦！” 我唔係好認同喎。我都有內向嘅一面喎，譬如我唔喜歡人多嘅地方，又唔鍾意同人交流，咁都唔算內向咩？大王嗰種唔係內向，係宅男囉。

最近TVB啲劇，或者電影經常有“大馬人”嘅角色出現。而且仲特別加好多大馬“廣東話”的特色入去。其中，就有呢個“無”字嘅用法。大馬人經常用“無”字作為發問嘅語氣助詞。譬如：你食飯無？（Do you want to eat rice?）、你肚餓無？（Are you hungry?）但之前某個主持人訪問《單戀雙城》嘅男女主角時，模仿大馬人講到：你食飽無？聽落好似怪怪哋。

從來未試過咳個不停，睇咗兩次醫生都唔好。加上日日聞到煙霧啲燶味，喉嚨好乾。

黎芷珊嘅頸鏈天天新款，可以開blog寫服飾心得。

《語言》啲人真係“慌死”上唔到車咁 --- 慌死翻譯成普通話應該係？

Canning Rise 是否有中文譯名？

早上新聞喺電視右下角的空氣污染指數嘅讀數不斷上升，感覺好似睇緊股市嘅升跌咁。