近況小記：碩士讀完，論文成績出咗，分數中上，近排做打機廢人，搬離咗學生宿舍，暫住喺中同嘅舊同事，過無幾耐就搬入中同屋企做租客。
喺一間招聘Agent掛咗名，面試對答令對方幾滿意，似乎有短工可以做，每個禮拜交available time等通知排shift。
最棘手係中同兩公婆都邀請咗一個網友同住，性格不合搞到雙方時而冷戰時而情緒爆炸，擺明跳入地雷陣，又睇唔到佢哋和好嘅契機，唯有避多陣先😔

石川界人 (@ish_kaito) on X
瞓到半路醒一醒，被驚爆消息炸到完全瞓唔返

今日去咗倫敦考Business Japanese Test BJT，先講兩大結論：職員大方通融我先有得考；成績及唔上期望。

首先由於我柒而遲大到。一來無留意要早半個鐘到試場辦手續，二來倫敦地鐵搭錯線，轉車之後又落咗明明啱嘅車等多兩班；三來出地面又行錯路。加上本來班火車取消，下一班又小延誤，結果仲比開考時間遲半個鐘。

個試呢真係幾難，但本身我好有信心拎好好成績。佢滿分800，有幾個分段，600分以上係最優嘅J1+，咁我都落入嘅個range嘅，但本身有信心拎700甚至750，結果就不如預期啫。

白野ほなみ🌈 (@ShironoHonami) on X
吓！？岡本同KENN演BL？？堅咩？

睇完Given 往海邊，真係好希望我第一次係喺戲院睇，感受喺嗰陣環境享受嗰種震憾。只可惜一旦睇過，人係無辦法將啲嘢 unseen 咁抺去

最近終於睇咗Given 柊Mix，然後上YT 揾<<往海去>>嘅片段睇，好想有得去戲院睇呢套

今日搬離Sheffield 去住朋友度，亦係結束一年半嘅碩士生涯開展下一章

前日去咗同倫敦朋友敘舊，傾得太開心唔知時間，結果成九點先至埋單走人，仲要係朋友提我先識走。
我有事前講過想搭九點半嘅火車走，咁心諗九點走有機會趕得切啦。而朋友係好中意行路嘅，亦都提議行去火車站，我諗住兩個站啫咁咪行囉，結果大半個鐘先到站，架車當然就走咗。
不過我咁不疾不徐係因為事前查過真正尾班係十點半，揀九點半純粹因爲避免尾班被取消，留一班車作爲緩衝走棧咁解。結果好彩列車服務正常，係有車返屋企嘅。

望望頭兩位，即係預示我聽揸兜

宜家平均隔日落gym房運動半個鐘，但短短兩分鐘路程得六樣嘢要帶，居然成日漏咁一件