真是講到我的心坎裡

哭啊

我真係熊仔頭mode dnlm
今日去調景嶺打咗場朝早七至九，頂你個肺我五點九起身，一早搭車入去，第一定二場同隊有條友，我見佢打中間但係唔撚攔網，我問佢，咦你唔攔網㗎？跟住佢話：哦我好耐冇打㗎喇
然後呢？噉你又打中間？又唔講你唔攔網？（OS嚟😂）
跟住講完佢自己好耐冇打波，就落咗去開波，跟住我頂你第一球就同我開jump，真係心諗做乜鳩嘢CLS公司
跟住好撚搞笑對面隊個setter係噉jump set back set，但係完全係set唔撚到到位，我哋呢邊嗰個setter（間唔中會喺啲早場fungame見過佢但次次都淨係打一粒鐘就翻工嘅）喺度細細聲講，不如唔好jump set啦，你都唔穩定😂😂😂SLS

同埋我係完全feel到之前mkh話佢唔撚鍾意出去出面打fungame嘅嗰種感覺 which is嘻嘻哈哈唔認真對待每一球，輸咗就由佢輸，追都唔撚去追
其實我都唔係要好認真完全唔出聲唔講笑嗰種，實力我都唔係話好好唔會球球都靚一靚守靚打，但係話fungame啫，唔代表唔認真救波，打得認真先最fun囉
頂你防守form近乎0，唔知守緊啲乜春打緊啲乜，成場都覺得滿頭問號
有一場，我後二，跟嗰個大鎚stay曬喺大鎚位唔轉，噉我提咗幾次佢都冇反應我唔知佢係打開佢個form想堅持定純粹係唔想理我，咪問，你係咪唔會轉位stay曬？佢話，我直接企大鎚位啊，如果唔係咪要次次跑翻過去囉
好好笑之後打前中個女仔（好似叫Emily）就話，噉咪好有挑戰性囉😂🤣
然後我話，係啊~係要跑啊~如果唔係咪變前後轉？

其實佢stay曬大鎚位唔是唔可以，只係要com，唔係你自己企過嚟就係㗎嘛，成場咁多個人，都要知你喺邊個位有咩人囉lol

總之今日真係打到好攰唔知自己打緊咩（
叫做掂吓個波噉😂

我突然間諗起，仲有嗰個場主都係好kam
應該係大陸人嚟嘅，似新移民，識講廣東話但係唔係好正
噉其實都冇嘢嘅，打過幾場fungame，同大陸人打嘅話，最多數係佢哋可能唔係好熟我哋fungame嘅輪轉方式或者stay1，但係一般都打得ok
呢條友kam在第一佢都有少少唔係好認真啦，有一球我真係睇到O撚咗嘴，話說佢就係前中，setter喺後排上緊嚟，後中接咗過一傳去咗接近佢個位，但其實係高嘅，setter都跑到佢後面就嚟到
跟住條友就喺度話「畀setter呀」然後就背對個網，下手畢咗去對面場，仲要hea到畢out咗
我頂你個肺明明一傳都係接到去場中間，setter一撚定追到，你就hea99二傳企喺畢過去，仲要out咗！！！！！
然後我都忍唔住細聲講，畀setter追啦setter追到

第二就係講嘢kam
不過呢樣嘢就算啦因為可以忽略，具體石太記得總之是kam的