其實真係冇推邊個, 係咁啱去東京就諗住係咪可以搵一日睇返場show...本身諗住買A3(起碼想睇古谷大和) 但因為eplus淨係比我買一張就冇買, 忽發奇想咁去左twitter睇下有冇人放飛比我...

碌左兩日, 終於見倒一個日本妹原價放兩張S席1階又肯面交, 我用破爛日文問佢"我從來未睇過刀myu, 希望你肯賣比我"

佢到第二晚先覆我 (我都Mon住佢有冇上水, 想知係咪唔想理我, 因為我鎖帳又外國人, 極可疑)
咁佢就話希望我入左錢先. 因為佢都想盡快決定, 佢可以面交, 直頭黎到我酒店面交

咁我都研究左好耐終於成功入錢比佢, 都同佢溝通左好耐...
成個月前入定錢比佢...
我都本住如果佢呃9我, 我就放晒佢啲資料上網😂😂😂

我之前都有KEEP住問下佢野, 因為張飛實名真係好不安, 仲有廁所😂😂😂仲ON99咁問啲唔識嘅香港人到時20分鐘休息時間屙唔屙得切尿...一階24個廁所, 咁多人爭

5月23日, 刀音有演員中左武肺..好彩係我完全唔理過刀音發生咩事, 5月31人地公佈埋6月3東京凱旋應該可以順利開幕我先知道呢單野
如果我5月23有留意呢個消息, 我驚我可能難過到甩晒啲頭髮, 怨自己黑到咁

5月31又同個日本妹講下野...佢話送野比我! 佢應該擔長義 (呢場大部分人都擔長義, 水江靚仔丫嘛)
佢問我有冇鍾意邊個角色可以送個襟/透明卡比我
真係好親切!
咁我都識做, 一早都預左比份MIHK禮物佢
所以佢決定比晒佢影出黎果4件GOODS我!

之後終於呢...到左公演前一日 6月7日
日本妹真係黎到我酒店LOBBY搵我面交! 佢一早由千葉黎到池袋搵我呀！！仲送左更多野比我，佢知我大波星人，送埋岩融同蜻蛉切公仔比我 影少左兩件蛋糕仔！總共有４件的！

日本妹其實大過我兩年，我都同佢講用啲咁簡單嘅日文，又唔識講敬語唔好意思呀！
日本妹本身６月７睇但原來佢有事唔睇得，所以佢咁遠出黎真係淨係為左比飛我 我日文太爛聽唔明佢點解突然睇唔倒６月７場
佢仲話如果６月８萬一取消，佢呢日都放假可以再黎呢度親手退錢比我

我就送左香港本地蜜糖比佢， 極細樽諗住唔好太重阻住佢當晚觀劇， 送咁細件野，人地比咁多野我真係唔好意思

６月８，好彩我係睇夜場
我plan lunch去魔道祖師CAFE, 點知起唔撚倒身...出到門成1:00

咁我就前往呢個從未去過立川...要喺新宿轉車, 原來坐唔倒特快車係要好Q多個站, 上左車都好大疑惑自己有冇錯方向, 好彩有日本人好心話我知想快可以三鷹轉車, 唔轉都到立川嘅, 係多幾個站啫....咁我都費車轉黎轉去, 順利到左立川

因為我都冇諗住買啲咩goods, 就好自由咁行左陣北口啲駿河屋, 書店, HMV, 同埋去食啲野先 食野都4:30

好似薩莉亞咁嘅餐廳但多好多款式又有細意粉叫, 個pancake好好食, 雪糕就太甜
都坐左好多一樣係黎睇舞台嘅女仔

之後就去會場門口, 真係唔使排隊買野的, 幾驚佢認真check飛...好彩佢都係望一望, 我前日已經買左手燈, 今日係買場刊, 順手問左三個透明卡, 見佢東京先新出嘅第二部LIVE版本... 抽到長義,小龍, 大般若, 都幾好運
長義卡喺二手市場賣比其他人高價十倍

1階除左24格女廁,連男廁都變左女廁
(係有男性觀眾嘅....200個入面有1個咁)

今次個音樂劇係比以往劇本係長, 慶幸都冇急尿, 但休息時間都係要去廁所穩陣啲, 我係坐1階後排, 算近出口, 所以都好快排倒個真正嘅女廁, 工作人員都有入去指揮大家入廁格, 唔想浪費時間空格冇人入... 我覺得呢度可能係全世界女仔如廁最快嘅地方

我打左咁多粒字但完全唔係講個劇同啲演員做成點

呀.....長谷部係真係唱得幾好
水江SOLO 我真係懷疑佢係咪就係中武肺果個...唔好意思, 真係唔係太好聽, 個樣係依然靚仔嘅!

最感動係第一次現場聽倒刀劍亂舞主題曲, 自己一直都冇諗住真係去睇現場, 好似好麻煩咁...真係睇完都似發左一場夢咁~
隔離日本人都係第一次睇, 大家都只拎住一枝手燈 其實我連啲角色係咩色都冇搞清楚都係跟住附近啲人轉色

第二部LIVE話有40mins, 但體感好似只係過左10mins咁, 啲歌0記憶點 總之好睇啦
雖然因為疫情冇客降り, 但有個Mon睇清佢地啲樣都OK
我特登去SSP買嘅CHEAP雞望遠鏡睇一陣就冇用

回程時繼續有雨, 聽倒隔離有香港人行過, 講緊"如果真係CHECK飛就玩完"
係囉,,,真係冒住風險咁去, 希望以後再有機會睇 (連抽飛都未識)

回程剛好上左特快車, 好似半個鐘就返到池袋! LUCKY