來自日本神戶的街頭音樂人Mr. Wally昨晚(6月12日)再度前往香港，在機場入境處被帶到另一房間內接受兩個鐘頭以上的審問。

及後被拒絕入境，強制送回日本。當局向他交代原因「以前曾經在香港街頭演奏」。

Mr. Wally表示 :「今後我都無法再次入境香港，香港嘅活動正式劃上句號。但我唔會忘記喺香港嘅所有回憶。無論係快樂定辛苦嘅回憶都好，全部都係屬於我嘅寶物。」

=============================================

Je bent tijdelijk gebl... on Facebook

昨晚6月12日，我從2020年4月後3年以來再次前往香港時，喺香港機場嘅入境處被人帶到另一間房內。

然後，我接受咗兩個鐘頭以上嘅審問。

然後，我被拒絕入境，強制送返日本。

當局同我講原因係「以前曾經喺香港街頭演奏」，一個非常不合理嘅理由。

就算我同佢哋講我當時有Working Holiday嘅VISA都好，佢哋同我講，喺香港街頭演奏係犯法。

但，呢個係一個謊言。當時我向香港警察及香港入境處職員詢問，「喺香港busking有無問題？」、「喺香港busking有咩問題？」嘅時候，佢哋當時都回答我「Busking Ok」。

我從2015年以來總共到訪香港35次，直到今日第36次，第一次有人咁樣同我講。

「我今次係嚟探朋友，唔係嚟香港演奏。」就算我咁講都好，佢哋都拒絕我嘅入境。

如果呢件事係真實嘅話，咁今後外國人喺香港嘅樂器舖買結他，然後喺街頭上彈奏就會違反法律。呢種事情實在喺太荒誕，絕對係不合理嘅理由。

我認為真正被拒絕入境嘅理由係，我喺2019年至2020年間於街頭表演時展出寫有「香港人加油」嘅招牌板，所以被當局以爲我進行民主運動。

喺2020年後，香港不斷拒絕日本人嘅記者或民主運動分子入境，並強制送返日本。

今次我都成為佢哋嘅一員。我估，今後我都無法再次入境香港。

香港政府正正就係將呢啲希望可以推動香港民主運動嘅外國人記者或民主運動份子排除在外。

昨晚喺機場內嘅羈留所過咗一晚，當時我嘅手機同行李都被鎖喺Locker內，無法取出。

不過我以防萬一，喺出發前幾天向一位日本記者朋友交代，並同佢講，「如果我入境香港時被羈留嘅話，請向日本報導呢件事」。

所以我一早準備好手機嘅訊息，喺離開入境處被帶到另一間房前向呢位朋友聯絡。

多得佢嘅幫忙，我嘅事情今早已經係日本成為了新聞。

我諗宜家喺香港主流媒體要報導呢間事應該非常困難，我好鐘意嘅蘋果日報都已經唔喺到了。

香港係2020年後已經完全變樣，容不下一絲言論自由。

我係香港有幾位好重要嘅朋友，明明同佢哋約好喺香港再見，但呢啲機會都完全失去了。

喺示威活動期間，我曾經受到好多香港人嘅幫助，所以我希望向香港人報恩，於街頭上唱歌治癒大家嘅心靈，使大家快樂。

我好感謝至今我相遇過嘅、所有支持我嘅香港Fans。

Mr. Wally係香港嘅活動正式劃上句號。但我唔會忘記喺香港嘅所有回憶。

無論係快樂定辛苦嘅回憶都好，全部都係屬於我嘅寶物。

喺香港嘅大家可能今後仍會經歷辛苦嘅事情，但我希望大家可以珍惜自己嘅家人、朋友、戀人，獲得好多幸福。

由2015年直到今日，我無一日唔會諗起你哋。

民主活動所帶來嘅革命可能沒有成功，但大家嘅勇氣深深地刻在我嘅記憶同心內。

香港人加油！我今後都會一直愛大家。