該招聘帖文上星期發出，內容包括推銷警察房屋福利、免費醫療和牙科服務、康樂體育福利等，至今有逾 2000 個留言，其中熱門留言大部分都是負評，留言質疑的人似乎包含不少前線警員，亦有部分是用「支持國安法」等作頭像相框。

有關留言對警隊今次推銷 work-life balance 的質疑亦五花百門，有人直指說法不實，「撈咗 20 幾年，都唔知點 work life balance」、「work life balance 無可能囉大哥，你落是但一個環頭求其問個雜差啦，睇吓你會唔會俾人問候」、「提子提子，提防騙子呀，你坐喺寫字樓涼住冷氣玩 facebook 就舒服啫，你介唔介意去PSU玩4年呀，睇下你仲寫唔寫得出呢篇文」。

亦有人質疑宣傳當中的福利，「宿舍係有呀，不過要起碼排10年先有資格拎，連出個post都要呃人，缺人還缺人，唔好出post呃人啦」。

但最多負評都是指向警隊內部文化或管理問題，例如「淨係講疫情嚴重個陣，其他紀律部隊就可以work from home，警察部就繼續日日返工」、「當年大家應徵入行喺想警惡懲奸 救人 唔係想告車 派傳單 搞JPC活動」、「警察部三萬幾人，至少有兩萬個冗員，你班太空人出啲咁嘅post真係申請博屌」。

甚至有人留言不滿國家主席習近平訪港時的工作安排，「無輪休全部罰企，冇遮冇掩由同事罰企淋雨。大大走左都要罰人周圍行唔俾人休息…你班白恤衫今次過到關就等升級，難為下面d人做到成隻狗咁公平咩」，該留言獲200多個讚好。