[公民漫談294 - 建構台灣文化ê主體性]
台灣由荷蘭時代引進漢人來台種作開始,就已經無法度完全切割佮漢文化ê關聯,但是,予國民黨威權政府殖民洗腦過ê「中國國族意識」佮「北京語霸權意識」,是建構現代台灣公民國家/國族時,袂當閃避ê重要問題。
一方面要透由民主程序打造台灣國家,來建立台灣ê公民國族認同;一方面要透過文化ê轉型正義,解除台灣文化ê支那霸權,重新建構咱家己ê主體性,予各族群會當正常自由ê發揮。
另外,比較著威權政府殖民洗腦過ê中國國族意識,佮民間自發ê台灣文化主體性建構,佗一爿是延續著左翼大政府ê集體主義,佗一爿是右翼ê自由自發秩序,是非常清楚ê代誌。
所以,彼咧笑虧工場,逐工bih佇咧殖民華腦ê集體意識內底khueh燒,好意思笑民間自發ê人是集體主義?真正是會予人笑甲跋跋倒。