基佬嚟嗰季就係第一風扇走，我嗰時都係轉會阿狗無耐。貶眼五年半，睇住基佬由一個蒙彼利埃嘅不知名二線頭中鋒，進化成銀河惟一彈彈波神鋒，佢嘅離隊加上之前一班人被清洗，可以話為雲爺爺上一個五年計劃正式畫上句號(我一直覺得由簽奧燒同英倫六子嗰時計係一個重建藍圖)。五年半3個足總盃冠軍，算係終結咗之前無冠嘅黑暗時代。但曾經這麼遠那麼近，最接近可以重奪英超冠軍嘅一年因為自己嘅唔穩定而白白斷送機會。及後嘅山齊士之亂亦都標誌住五年計劃嘅破滅，而呢段時間基佬高高低低都算係陪著你走。雖然近兩季救命波入唔少，但係再之前淨係試錦上添花刷數據都係事實。射術不佳，完全打唔到run-off-ball嘅缺點到離隊呢一刻仍然係未解決。但平心而論，性價比嚟講，基佬offer到嘅算回晒本喇。

最後希望基佬下季打阿狗時細力些少好嗎。我想雲爺爺可以成就有終之美，拎多個錦標然後榮休。