說真的 雖然呢部漫畫標為BL
但我覺得BL只係佢其中一部分
喺搞笑而又充滿震撼力的面部表情之下
帶出左男身女心既心態 或者應該 係喜歡女裝既同志男性既事甚至係男同志喺社會上會面對既事

男主個樣女仔 個心都幾女仔 鍾意女裝 但係從來冇話過想成為女仔
佢比人欺凌 但機緣巧合下發現左一齊欺凌佢既 一個(夢野)其實係喜歡佢 另
一個其實喺陽剛既外表下(桐野) 潛藏左相似既心靈

夢野從欺凌佢到救佢表明心跡 就快啪啪啪 先覺得自己唔對路 一直都冇諗過男主既性別問題 當佢見倒男主有自己都有既器官時 一瞬間呆晒 呢下真係好現實 一般BL漫 黎到呢度都直接上 但現實上有唔少人當真正「意識」到對方係男生 其實會打退堂鼓 但佢雖然得四肢發達 但都好認真諗呢個問題 之後終於諗明搵返男主HAPPY END 算係可喜可賀

但其實我最想講既 呢部野抑鬱點唔在於男主身上 男主得到唯一既母親既理解(BTW 媽媽好好人!!!) 最尾同愛人一齊左 所以個抑鬱點 應該放左喺 曾經的同伴 桐野 同埋柳田老師身上

男主差D比柳田姦左 睇人評論 見人話個老師就快姦(?)個男主時 好心UP UP唔係UP在男主快比人啪啪啪 而係老師求男主比佢入去佢個身體 重覆左幾次 漫畫度見唔倒老師係以咩表情 講呢句 不過真係好酸

老師有一段過往 佢曾經年輕時喜歡一個同男主有幾分相似既人 當時佢地一齊啪啪啪時比人發現左 事後就比家人比其他人話嘔心有病 而佢亦再冇見過佢喜歡既男仔 佢一直背負住重擔長大 直至遇上男主 終於忍唔住爆發
佢一直去唔倒佢想去既"世界" 掂唔倒佢想掂既人 佢求男主比佢入佢身體 從另一個角度睇 我覺得如果佢啪得成 唔單止係對佢性慾既滿足 更多係對佢自身既補償 讓佢實現同志既身份 再會佢初戀 不過佢冇成功

有人話至少主角三人(?)都搵倒自己條路 但係柳田一世困喺比人話同性戀好嘔心 見唔返初戀既陰影入面 先係真正得唔倒救贖

比我再打打同諗諗桐野 桐野係令我覺得最酸嗰個

桐野話 佢自執倒男主既唇膏 就好似打開左「潘朵拉的盒子」
喺桐野潛意識入面 自己既女裝癖同同志傾向係罪惡的
打開左既盒 點都要蓋上
佢曾經保留枝唇膏 嗰段時間 我諗佢同男主 都應該係最真我既一段時間
既自己桐野同夢野有相似既喜好(肌肉男LOL)同心靈　佢地可以毫無保留向對方表現內心　
正正因為咁佢地係最理解對方既同伴 我有諗過佢地CP既可能性 不過比起CP 佢地兩個之間既關係更似係互相支持了解對方的同伴

當佢地愈了解對方愈親密 佢地分開既時候愈更痛苦 佢地曾經有機會一齊尋找佢地既「容身之所」桃花源 但最終桐野放唔底佢媽媽　而佢媽媽都難接受個仔特別的一面 母子二人心入面充滿自責

於是佢親手將打開個盒條匙－－唇膏還返比男主　再親手將個盒鎖上　掩埋傾向　佢地兩個最終走上唔同既路　　佢地分別時估計係我最感動既一幕　佢地喺夕陽下走上不同既路　互喊加油　然後轉身走再無交集　佢地曾經一齊坐天台食飯好似女仔咁聊瑣碎事　又掂過對方手　桐野曾經喺男主失落時給佢最溫暖既擁抱　結果引來一堆三姑六婆打小報告　令到桐野不得不走上相當現實的路　全部美好時光都要化為烏有　佢地兩個之間既遺憾實在太多

諗諗下 如果話我係為左桐野最終無法坦誠自己而心酸
倒不如話係為左白白斷送一後情誼而心酸
生活中有太多好似漫畫中既三姑六婆咁名叫現實無奈既野
有人可以好似男主咁　　最終繼續做自己　或者好似夢野咁　終於諗明
擺脫三姑六婆
但係亦都有人但求平穩　好似桐野咁最終選擇結婚生子
或者更甚　　好似柳田咁比人逼到入一個絕景

彷彿清新氣息　　究竟指咩　指既係桐野同男主之間嗰段時光定男主既獨特？我諗唔明