今次劇情上冇第一集咁精彩，可能今次個扭橋位冇上集咁震撼，今集太易知道邊個奸😂😂😂
不過無論點都好今集我覺得fans一定會鍾意，整體唔差嘅！
特別係鍾意食狐兔CP一定開心死，啲狗糧瘋狂派，食到飽🥺
官方仲話佢兩個只係partner，真心咩？😂 明示暗示乜都齊，又有靚靚禮服，又Happy anniversary，又住honeymoon hotel，又有愛的告白！
所謂嘅唔值得搏老命，係講Judy條命好重要，而自己為咗Judy就好值得搏老命，Judy是不可失去的！真係甜到宇宙大爆炸🤯🤯🤯

另外今集依然係大量彩蛋，啲細節位認真睇真係彩蛋多到癲，我覺得我可能都睇漏咗啲，要翻睇多次再留意下😂
至於今次新登場嘅角色，我覺得蛇蛇同河狸都超得意，我好鍾意🥺
河狸絕對係今集MVP，最初仲以為佢冇咩用，點知次次危急時候都係最幫手！！！

最後想講，如果現實世界都可以咁簡單就解決到官商勾結就好了...😢 Zootopia真係一個好理想嘅世界