《出精特攻隊》
我真係因為簡導做片主，仲帶住成班IT狗演員做配音，先會入場支持下咋。
套戲真係麻麻地，全靠貼地抵死配音先加返少少分，連套戲入面啲歌都配晒廣東話詞唱埋出嚟好驚喜，真係用咗唔少心機
而且上咗三級，配音可以冇限制，所以對白好多食字玩得出神入化😂
不過劇情真係太離譜，搞唔掂🤦🏻‍♀️ 尤其入咗屎忽，玩屎玩好耐有啲難受🤦🏻‍♀️ 啲精蟲竟然仲可以游入消化系統，行另一條路喺尿道出嚟，再好似特攻咁飛入陰道🤦🏻‍♀️ 真係睇到成頭問號🤦🏻‍♀️
話晒係有教育意義嘅戲，做啲離譜嘅劇情出嚟真係好咩？🙂 事實係，啲精入咗屎忽就冇路行㗎喇，死心啦🙂 (可能係我太認真sor9ly)
講到啲精蟲咁勁揪，個女仔又用殺精劑又食事後丸都係阻止唔到啲精蟲入到粒卵，都幾慘，so9sad🥲

《國寶》
神作！！！真係神作！！！
本身我真係對歌舞伎係零認識，但係唔緊要的，絕對唔會睇唔明
一路睇我個內心一路狂叫“好靚！！！”
係體態同心態都好靚🥺🥺🥺
同埋投入睇套戲完全唔覺得過咗3粒鐘
真係劇本太好，絕冇悶場，啲鏡頭又好睇
同埋演呢套戲一定花好多好多苦功，絕唔容易，respect所有演員

《Wicked: For Good》
傻仔如我竟然唔記得帶紙巾入場，結果喊濕晒個衫袖🥹
上年喺戲院第咗第1集，冇理由續集唔睇埋嘅
我同意今次係冇第一集咁驚艷，少咗好多歌咁
但我又覺得兩集係一個整體嚟，又好似冇咩好比較
話說我細個係完全冇睇過綠野仙蹤，入場之前有睇返少少故事大綱，至少知道Dorothy條team有邊幾個，今次成隊人終於齊晒腳
繼承返上集嘅美術，有靚衫有靚效果，都冇咩好挑剔，尤其係服裝，我真係睇衫睇得好開心🥺
最後想講，呢個作品帶出嘅message絕對收到晒
本身對原作零認識 (唔好話Wicked，真係連綠野仙蹤都唔識)，多謝有電影令我有機會接觸得到👍🏻

apple_chibi: 我睇WICKED個陣，隔籬個妹豬都係喊到梨花帶雨

fudanshi_ikaru: 呢套好touch到我，淚點超低