⭐️主角一賢｜王新凱 主演、配音
演出前的話：
「逐家好，我是王新凱，我是一隻菜鳥仔舞台戲演員，過去我干焦搬過電影佮電視劇，這是我頭一擺和觀眾遮爾仔倚近咧演出，坦白來講是不止仔硬篤，而且閣愛用台語來搬，有影所有的「頭一擺」齊體會著矣，嘛想欲共這款新鮮的感覺分享予各位觀眾。

多謝逐家閬縫來欣賞演出，這擺的場所凡勢和一般正範的大型劇場無仝，設備無遐齊全，無定著恁會當看著平常時看袂著的細節佮氣氛。

對你這馬所坐的位看出去的畫面，會和對面或者是另外一爿的觀眾所看著的完全無仝，獨獨彼位才有的視角，絕對是獨一無二、過了袂閣有的。紲落來的四十分鐘，當齊綴一賢佮阿清的跤步行，做伙來感受青春的氣味，演煞了後，有問題做你問，阮會直接回答。舞台頂來相見！」